.. " " ()

. " -64. 2- " ( )

.. " - " ( )

. "101 , " ()

.. "" ()

. 33 - ..

.. . 33 .: , 1977. 256 c.
( ): polnoesobraniesocheneniyrus1977.djvu
<< 1 .. 115 116 117 118 119 120 < 121 > 122 123 124 125 126 127 .. 347 >>

В лето 6917. Князь великий Василей Дмитреевичь отдаст дочь свою княжну Анну во Царь- 1409 град за царевича Ивана Манульевича.
В лето 6917. Ходи Анфал на болгары. И там около его рать побита, || а самого яша д4°297 и послаша его в Орду ко царю. 42-Преставися князь Володимер Андреевичь. Того же лета бысть побоище королю Ягайлу Олгирдовичю и Витофту Кестутьевичю с немцы, со прусы, в той земли Пруской межи городы Доравны43 и Острода. И убиша местеря, и маршалка, и всю силу их немецкую избиша, и городы немецкие поимаша, но токмо три городы не дашася королю и Витофту.
Того же лета князь Данило Борисовичь Нижного Новагорода взя стольный город Володимер, поп ленив, пожже.-44
В лето 6919. Родися князю Лугвеню сын Ярослав, нарече Федор, на Копорьи родися. 1411
В лето 6920. 45-Преставися великого князя Василия сын князь Иван на Москве.-45 Того же 1412 лета 46-князь Дашко Федоров сын Ц Острожского взял град Кременец князь Витофтов. А князя л.297 об. Свитригайла из желез высекл. Того же лета убиен бысть Анфал и сын его Нестер на Вятке от Михаила Росохина.-46
41 В далее да князя Ерклибердея 42-44 В под 6918 43 В Добравны 45-45 В под 6925.
46-46 В под 6926
96
ХОЛМОГОРСКАЯ ЛЕТОПИС
1412 В лето 6920. Князь великий Василей Дмитриевичь ходил в Орду ко царю к Зелене Салтану Тактамышеву сыну.
1415 В лето 6923. Солнце погибе июня 7 день, видети было звезды, аки в нощ.
1417 В лето 6925. Из великого князя вотчины Василия Дмитреевича ходил князь Юрьев боярин
Дмитреевича Глеб Семеновичь с новгородцькими беглеци, с Семеном Жадовским, и с Михаилом Росохиным, и с устюжаны, и с вятчаны, ехаша в носадех на Двину, и повоева волость Борок Ива-л. 298 новых детей || Васильевича, Емцу и Колмогоры пожгли, и бояр новгородцких изымаша, Юрья Ивановича и братию его Самсона да Ивана Федоровича и брата его Афонасья.
^15 В лето 6923. На осень богу попущшу, князю великому Витофту тако изволыпу по своему
хотению, собрав епископы крестиянския, иже во области его живуще, Федосей Полотцкий, Иса-кей Черниговский, Деонисей Лучский, Герасим Володимерский, Харитон Холмский, Еуфимей Туровский, и теми епископы постави Киеву митрополита Григория болгарина. Тое же зимы поеха Самсон на Москву к митрополиту Фотею во владыки ставитися.
1417 В лето 6925. Бысть мор в Великом Новеграде железою, и во Пскове, и в Ладозе, и в Русе,
л. 298 об. и в Порхове, и в Торжку, || и во Тфери, и в Дмитрове, и по волостем. О прежереченном Григории Цамблаце, еже приречем47 князю великому Витофту: «Что ради ты, княже, в вере лятцкой, а не в крестиянской?». И отвеща ему Витофт: «Аще хощеши не токмо единого мене видети во всей православной вере, но и всех людей неверных тоя земли Литовския, то иди в Рим, имей спор с папою и с его мудрецы. Аще их препреши, то вси мы будем крестиане. Аще ли ни, то имам вся люди своея земли во свою немецкую веру обратити». И посла его в Рим с своими бояры. О том же Григории Цамблаце рече Фотей митрополит руский: «Писано о нем, яко той мятежник церковный зовется л. 299 митрополитом киевским, || а поставлен есть от непреподобнаго зборища в литовском Новегородце не избранием святых отец, не испытанием зборным, не разсужением правилным, не рукоположением святого патриарха, ни по преданию церковному, но паче мучительскии самозаконно доставление его сдеяшась. Спешаще гуснии мерскаго оного поставляют и во священую одежу непотребнаго несвящене одевают, еже «достоин» возгласившу ему, иже многаго студа и лукавства достойнаго, но мирскими властьми и по хотению своему и желание обрете на пребывающаго мене, митрополита, по достоянию в животе. Яже о нем и первее явлена быша на зборе во Царе-л. 299 об. граде, елико смущение сотвори на Христову церковь, от святейшаго патриарха || Еуфимия и от божественаго и священаго збора извержен бысть ис сану от поповства и проклят бысть. Сего же ради и по случаю божественый и священный збор собрася, божественыя, и священыя, и всечестней-шая святители, митрополиты и с сими боголюбивыми епископы. И судом сим общим имеем сего Цамблака по божественым и священым правилом извержена, и отлучена, и проклята. И тако же и тех епископ его зборища неподобнаго, яко осуженых имеем их, яко же не по повелению яви-шася божественых правил, но досадители и преслушатели и отметни сим явишася, от единого по достоянию согласия лишишася божественыя зборныя апостольския церкви, именующеся святи-л. 300 тели, без разсужения святого великаго патриарха || от мирскаго начала святительство прияша, и како той сотвори окаянный си Цамблак. Кто же убо имеет священиком и сприобщается ему или благословение его приимает, аще епископ будет, или священик, или кто мирский человек, и имеем того извержена и проклята, приобщаяся приобщникому, и сам той не приобщен есть. Вам же всем нашим, елици не приобщишася беззаконному сему делу от беззаконнаго Цамблака, во всем никако же приобщаеми будете, гнужающеся его, яко не освященаго, но осквернена. И аще пишет к вам, и не приятно вам буди писание его, аще и присылает к вам, тако и слова ему не дадите, no-д. 300 об. неже то погубление принесется душам вашим. И который рукою полаган от него, И рекше поставлен, и познайте его, и имейте его извержена, яко и того самого Цамблака, и сих его, и все, еже он сотворил, и имейте дело то, яко же не бысть. Услышите вси, иже любви с ними творяще, како убежати вам от гнева грядущаго на вы, или с ними водворяющеся и оскверндющеся в питии или в любовней дружине, како смеете приступити божественым и страшным тайнам Христовым? И молю вашу любовь православных крестиян, иже не сходитися вам с теми ни в которой девстве, ни пищи, ни в питье, ни в дружбе, ни во обете, ни в мире, ни в любви, которой сходясь с ними, чюжа себе творит церкви божия. А милость божия и наше благословение да будет со всеми православными крестианы». ||
<< 1 .. 115 116 117 118 119 120 < 121 > 122 123 124 125 126 127 .. 347 >>