. 33 - ..

.. . 33 .: , 1977. 256 c.
( ): polnoesobraniesocheneniyrus1977.djvu
<< 1 .. 117 118 119 120 121 122 < 123 > 124 125 126 127 128 129 .. 347 >>

48 В (списки ранних редакций) тепучи 49 В святителево 50 50 В под 6928 51 51 В под 6933
52-52 В под 6934 53-53 £> nog gggg 54-54 jg под gggg 55-58 g под gggg 56 jg Одоеву 57 В Одоевский
59 В Одоеву 60-60 В под 6933
13 Заказ № 934
98
ХОЛМОГОРСКАЯ ЛЕТОПИС
приде тегиня князь из Крыма в Орду, а княжение великое хотя дати князю Юрью Дмитреевичю. Некто же татарин Усеин именем, постелник царев, братаничь тому тегине князю, сказа ему думу цареву и князей всех: «Аще кто что речет о князи Юрьи, то убиту ему быти». Слышав же то, тегиня князь и не смев ничто же противу глаголати их. Царь же повеле своим князем судити их обоих, князей руских. И многа пря бысть межи их. Князь же великий по отчеству и по дедству искаше стола своего, князь же Юрье летописци старыми списки и духовною отца своего великого л.304об. князя Дмитрея Ивановича Задонского. || И тогда рече боярин великого князя Иван Дмитреевичь царю и князем его, глаголя сице: «Государь, вольный царь, ослободи молвити слово мне, холопу великого князя. Наш государь великий князь Василей Васильевичь ищет стола отца своего, великого княжения, а твоего улуса, по твоему цареву жалованию и по твоим ярлыком. А се твое жалование пред тобою. А тот, господин наш, князь Юрье Дмитреевичь хочет взяти великое княжение по мертвой грамоте отца своего, а не по твоему жалованию волняго царя. А ты волен в своем улусе: кого восхощеш жаловати, на твоей воли есть. А государь наш бывшей, князь великий Василей Дмитреевичь, великое княжение дал сыну своему великому князю Василию, а по твоему л. 305 жалованию волного царя, а тебе на всяк Ц год правяся во всем». И тогда царь даст великое княжение великому князю Василию Васильевичю Московское и повеле князю Юрью Дмитреевичю под великим князем Василием конь повести. Князь же великий Василей Васильевичь не восхоте тем дяди своего, князя Юрья, обесчестити. А Ширин тегеня ста о том же противу царя и хоте от-ступити от него, понеже бо в то время пошел бяше на Махметя Кичиахмет царь. Князь же великий Василий Васильевичь убояся того сотворити61 по тегеневу слову, да придал дяде своему князю Юрью к его вотчине Дмитров. И отпусти их царь на свои вотчины. И приде князь великий на Москву на Петров день, а князь Юрьи во Звенигород и в Дмитров, и убоясь великого князя, и иде из Дмитрова в Галич, и князь великий взя Дмитров за себя. || л 305об ^ измене князь Юрьеве. В лето 6941. Побежал от великого князя Василия боярин его Иван
Дмитреевичь в Галичь ко князю Юрью Дмитреевичю и начат подговаривати его на великое княжение Московское. Князь же Юрье по его думе послал по детей своих, по князя Василия и по князя Дмитрея Шемяку, на Москву, а они тогды были на свадьбе у великого князя Василия Васильевича. Сие познав, и побегоша ко отцу своему в Галичь, и пограбиша Ярославль, и казны всех князей разграбиша. Пришедшим же им ко отцу своему в Галичь, а он же уж собрася со всеми людьми, хотя ити на великого князя Василия. И поидоша со сынми своими, а Иван Дмитреевичь с ним же, л. 306 великому же князю не ведущу того. И прибежал из Ростова || к великому князю намесник его Петр Костянтиновичь, и поведа ему, что идет на него дядя его князь Юрье з детьми своими, а уж в Пере-славли. Князь же великий Василей ничтоже успе сотворити, и посла противу ему послы своя Федора Андреевича Лжа и Федора Товаркова о миру, и стретоша его у Троицы. Он же миру не восхоте и паки поиде. А Иван Дмитреевич не дал о миру слова молвити, и бысть межи их обоих бояр брань велика. И тако возвратишася послы великаго князя. Князь же великий Василей Васильевич, что было около его людей, собра тех, поиде противу дяди своего князя Юрья на Клязьме за л. 306 об. 20 верст от Москвыъ и сразишася с ними. Видев же князь великий Василей Васильевичь, || яко не бысть ему ниоткуду помощи, и побежа ко Твери к великому князю Борису Александровичю. А князь Юрье пришед на Москву на великое княжение, и потом смирися с великим князем Василием, и даст великому князю Коломну в удел. Князь же великий пришед на Коломну, и многие люди начата отказыватися от князя Юрья Дмитреевича за великого князя Василия Васильевича, и поидоша х Коломне беспрестани, а ему то видящу. А дети его, князь Василей да князь Дмитрей Шемяка, тогда же убиша у отца своего боярина его любовника Семена Морозова и побегоша от отца прочь. Князь же Юрьи Дмитреевичь видев, яко непрочно ему великое княжение, дети от него л. 307 отбежали, а люди все идут за великого князя || Василия Васильевича, и посла к великому князю, глаголя: «Поиди на свое великое княжение». А сам поиде во свою отчину во Звениград. Князь же великий Василей Васильевичь приде на Москву, сед на великое княжение, а со князем Юрьем смирися на том, что ему детей своих к собе не приимати и помочи им не давати. Того же лета князь великий Василей послал воеводу своего князя Юрья Патрикеевича, а с ним двор свой и многие люди на Кострому на княж Юрьевых детей Дмитреевича, на князя Василья и Дмитрея Шемяку,
<< 1 .. 117 118 119 120 121 122 < 123 > 124 125 126 127 128 129 .. 347 >>