.. " " ()

. " -64. 2- " ( )

.. " - " ( )

. "101 , " ()

.. "" ()

. 33 - ..

.. . 33 .: , 1977. 256 c.
( ): polnoesobraniesocheneniyrus1977.djvu
<< 1 .. 123 124 125 126 127 128 < 129 > 130 131 132 133 134 135 .. 347 >>

6 в рукописи единодышевно, исправлено по И в в рукописи деспота, переправлено на диспота
ХОЛМОГОРСКАЯ ЛЕТОПИС
103
политы, и вси грекове, все вы повинуетеся мне, един митрополит ефеский Марко и с ним иверский митрополит Григориос, и тристинский митрополит Исаия, и оагинский митрополит Софрониос (( ни мене послушают, ни збора моего не зборуют. Слыши, царю, како глаголет апостол к римляном л. 320 об. и ко ефесеом и во всех своих посланиих: братия, повинуйтеся наставником вашим и покоряйтеся, ти бо бдят о душах ваших, с радостию воздыхающе, слово воздающе». Царю же к папе отвещавшу: «Хощеши ли Марку глаголати каково непотребно слово? Како ему злословил твой философ Иоан, в той час злою смертию умре! И ты, папа, избери от збора своего и пошли к нему от себе, а не от мене, аще что хощеши глаголати ему». Папе же, слышавшу тая словеса царева и устрашися велми зело, и посла к нему не со злом, но с великою честию, повеле насыпати велико блюдо злата золотых и ковш злат золотых с великою честию (| и прощением, аще бы приял, то и пришел бы и виделся л. 321 с папою и честь бы велику взял у него. А преж того папе на Марка глаголал69 зла много и огневи предати хотяше его. Марко же послов папежских ни в полату свою не впустил и отвеща им: «Рците учителю своему папе, не слышал ли еси господа глаголюща книжником и фарисеом: ныне вы, фарисеи, сткляница и блюдо очищаете, а внутрь ваша полна неправды и нечистоты.1, Тако и ты, папо, собра неправедное злато, то кому хощеши, тому давай его, где будет злато твое, тамо и ты будеш. А збор твой и не збор будет, а сами вы вси погибнете». Посланому же имя Амросие, града того Фролентия архимандрит. Тогда им зборовавшим без Марка в большей божници, множство || бесчислено людей, мужей и жен. И папе самому пришедшу с великою буестию и гордением с тру* л. 321 об. бами, и бубны, и со свирельми по своему праву, яко же всегда в божници творят гардиналы, ар-цибискупы, и бискупы, и множество латынскаго языка. И самому царю ту же бывшу, и с ним митрополиты, но не вси. Наченшим зборовати на память Сисоа великаго. Первое же начало — папе седшу на месте своем, тогда воставше митрополиты вси с мест своих и приидоша к папе, и прикляк-нуша к папе по фряжскому праву, и самому царю на колену припадшу, и брату диоспоту, и всем греком. Нам же, то видевше, плачющимся, но токмо глаголющим: «Господи, согреших».70 И мне воставшу с места своего, убоявшуся, аще и мне повелят || такоже приклякнути. ПотомД же моле- л. 322 бен певши, нача потом мщу мшити; тако же им тело божье подняти, тогда они всие вострубив в свирели, и в варганы, и бубны, и во всякую игру играша. И папа пиша грамоты, по всем странам посылаше латынскаго языка, яко царю греческому пришедшу со всеми греки и митрополиты, и приклякнувшу, и подписавше грамоты, и себе клятве предавше, також и митрополиты и митрополит руский Сидор подписася и всю землю свою. Тогда же потом приела папа бискупа своего Христофора ко епископу Аврамию Суздальскому, аще бы подписался, ему же нехотящу. Митрополит же Сидор ят его и всади его в темницу, и седе неделю, и тому подписавшуся нужею. И потом папа царю греческому || вдал честь велику подписания его ради и приклякания. И выехавши л-322 об. царю из града Фролентиа августа 26 день, а Сидору митрополиту выехавше после всех греков сентября 6 день, а к Венецеи приехав на Воздвижение честнаго креста. А царь греческий бысть в Венеции 50 дний и вси грекове. А Сидору оставшу ту в Венеции, а к папе посылающеся, а сам, по божницам ходя, приклякает, яко же фрязове, и повелевает нам тако же. И мне с ним о том вопреки глаголющю, и ему мене многажды имавшу и державшу во крепости. Мне же, видевшу такую неправду и великую ересь, побегшу ми из Венеция, и послу побегшу Фоме, а мне с ним, декабря 9 день. А к Новуграду прибегшу ми в Великую среду. И пребывшу ми лето у великого || святителя Евфимия Новгородцкого. В то ж время приде князь Юрье Семеновичь Лугвеньевичь л. 323 и сед во Смоленску во своей вотчине. И тому митрополиту пришедшу Сидору, и приела по мене князь Юрьи к Новуграду. И мне, пошедшу к Смоленску, надеяся яко крестиянин есть, того ради не предаст мене в нужду правды ради и веры ради. И вшедшу ми в комуру,71 и рече к нему князь Юрье: «Воистину, отче Семионе, право сказал еси, но иные боле тобя ведали, как ты скажет.
<< 1 .. 123 124 125 126 127 128 < 129 > 130 131 132 133 134 135 .. 347 >>