.. " " ()

. " -64. 2- " ( )

.. " - " ( )

. "101 , " ()

.. "" ()

. 33 - ..

.. . 33 .: , 1977. 256 c.
( ): polnoesobraniesocheneniyrus1977.djvu
<< 1 .. 128 129 130 131 132 133 < 134 > 135 136 137 138 139 140 .. 347 >>

л в рукописи Юрье, исправлено по В м в рукописи далее на нь, исправлено по В
14*
108
ХОЛМОГОРСКАЯ ЛЕТОПИС
л. 337 з детьми своими, да Русалка, да Руно, и иные || дети боярские многие. И учиниша себе срок всем быти под Галичем75 на Петров день. И Семен Филимонов со всеми своими на тот срок пришел, а про Ряполовских учинилася весть князю Дмитрею Шемяки, и не смеша поитти на тот срок под Галичь,76 они же поидоша за Волгу к Белу озеру. Князь же Дмитрей посла за ними рать с Углеча с Васильем с Вепревым, да Федора Михайловича послал за ними же, а срок был им соттися вместо на усть Шексны реки у Всех святых. Федор же Михайловичь не приспел к Василью Вепреву? а Ряполовские князи воротишася на Василья Вепрева и побита его на усть Мологи, а Федор Михайловичь в те поры перевезеся на усть Шексны со всею силою своею. Ряполовским же весть л. 337об. бысть про Федора || Михайловича, они же и на того воротишася. Федор же, видев их, опять побеже за Волгу, а Ряполовские поидоша по Новгородцкой земли к Литве и приидоша ко князю Василью Ярославичю во Мстислав ль. А Семен Филимонов со всеми своими поиде от Галича 77 к Москве, яко ничто же про тех ведая. Один Руно отвернул от него за Ряполовскими князи к Литве же. И как пришедше князи Ряполовские да князь Иван Васильевичь Стрига и прочий мнозии дети боярские, начаша говорити князю Василью Ярославичю, како бы выняти великого князя. О великом князи Василии, как его пожаловал князь Дмитрей Шемяка, выпуетил его. Слы-л. 338 шав же то князь Дмитрей Шемяка, что про великого князя [| мнози люди отступают от него, и розосла по владыки, и нача думати со князем Иваном Андреевичем Можайским, и со владыками и бояры, выпустити ли великаго князя или ни. Владыка же Иона на всяк день непрестанно глаголя: «Неправду еси учинил, а меня еси ввел во грех и срам. Князя ти было выпустити, и ты и детей его посадил, а мне еси дал свое слово правое, а они мене послушали, а ныне яз во всей лжи-Ныне же глаголю ти: выпусти великого князя и его дети, сведи с моей души и своей. А уж что может учинити он без века, а дети его малы. А и еще его укрепи крестным целованием, да и нашею братиею владыками». Многа же и ина изрече. Князь же Дмитрей Шемяка, много думав о том, л.338об. положи на том, что выпустити великого князя и детей его.78 || И поиде к Углечю князь Дмитрей Шемяка, хотя выпустити великого князя. И скоро поиде на Углечь, и выпусти великого князя ис тюрмы, и со княгинею его, и з детьми. Князь же великий Василей Васильевичь, вышед, начат плакати и глаголати пред своею братиею и перед всеми православными крестьяны, нача глаголати князю Дмитрею Шемяки и бити челом: «Ты, государь мой, князь Дмитрей Юрьевичь, показал еси на мне любление свое и милосердие, и на моей матки Софьи, и на моей княгине Марии, и на чадех моих». Слезам же от очию его, яко быстринам проливающеся, яко всем ту дивитися. Посем же князь Дмитрей Шемяка пир велик сотвори на великого князя и на его детей. Бяху же ту многие л. 339 князи и бояре. И честь велику || воздавающе ему, да и вотчину дал великому князю, Вологду город. Князь же великий Василей Васильевичь поиде с Углеча Поля к Вологде, и со княгинею, и с детьми своими, со князем Иваном, и со князем Юрьем, и со князем Андреем Углецким, той же сын родися у великого князя на Углечи в нужи в тюрме. Князь же великий Василей пришед на Вологду, и побыл немного, и поиде в Кирилов монастырь, творяся тамо.79 Слышав же то бояре великого князя и многие дети боярские и побегоша от князя Дмитрея Шемяки к великому князю Василию, князь Иван, а люди к нему многие туто придалися. Князь же великий не поиде в Кирилов, поиде ко Твери, обослався с великим князем тверским с Борисом Александровичем и приде л. 339об. во Тверь. Князь же Борис Александровичь || дал ему у себе опочинути и честь велику воздал ему.
<< 1 .. 128 129 130 131 132 133 < 134 > 135 136 137 138 139 140 .. 347 >>