.. " " ()

. " -64. 2- " ( )

.. " - " ( )

. "101 , " ()

.. "" ()

. 33 - ..

.. . 33 .: , 1977. 256 c.
( ): polnoesobraniesocheneniyrus1977.djvu
<< 1 .. 131 132 133 134 135 136 < 137 > 138 139 140 141 142 143 .. 347 >>

ему весть, что пошел князь Шемяка к Вологде. И князь великий поиде на Иледом да на Обнору, хотя итти на него к Вологде, и прииде к великому князю весть, что опять воротился к Галичю. Князь же великий воротися в Обнорою на низ да Костромою вверх и прииде на Железной Борок ко Иоанну святому. И слышав, что князь Дмитрей Шемяка в Галичи, а людей около его много, л. 344 а город крепит и пушки готовит, и рать пешая, а сам пред городом стоит со всею силою; || князь же великий, то слышав, положи упование на господа бога, начат отпущати князей своих и воевод со всею силою своею. А большой был воевода князь Василей Ивановичь Оболенской. Потом же царевичев отпустил и всех князей много. И поидоша вси под Галичь, и начата первое з брода84 пушки пущати, и тюфяки, и пищали. И тако поидоша полки вместо, и бысть сеча зла и велика, и поможе бог великому князю, многих избиша, князь же Дмитрий убежал к Новуграду Великому,-85 а гражане ж предашася. Князь же великий наместники своя посади и поиде к Москве.Ф [1452] 86Женился князь великий Иоанн Васильевичь Темного у великого князя тверскаго Бориса
Александровича.
344об ^ взятии Царяграда. В лето 6961. Властвующу || турки безбожному царю Мехмету Амара-
’ тову сыну, и был тогды в миру и в докончании с православным царем Костянтином Ивановичем, царствующим во Цареграде. И абие безбожный Махмет брань воздвиже противу Костянтинаграда не по чину, но супротиву сотворенных клятв, войска приведе много по земли и по морю, и нача ратовати, и пришедше внезапу, обступи град со многими силами. Царь же Костянтин с приключившимися вельможами и все людие цареградскии, видевше его пришедша со многими силами и не ведаху, что сотворити, понеже люцкаго собранья во граде не бе и братьям царевым не сущим ту. И посла царь Костянтин к Махмету салтану о миру. Он же, окаянный, посланники отсла безделны, л. 345 а сам || предивным ополчением и страшным движением по суху и по морю приступив ко царствующему граду декабря 6 день и повеле бити пушками, и пищальми, и стенобитными хитростьми, и приступы градцкие готовляти. Сущи люди во граде, греки и фрязове, выезжая из града, бияхуся с турки, не дающи им стенобитные хитрости наряжати. Но убо Махметове силе велице сущи, греки не возмогоша им никоея пакости, за един бияшеся с тысящею, а два со тмою. Сие ж уведав, царь Костянтин и повеле вельможам стены градцкие разделити воином, и стрельницы, и врата, и колоколы ратные на всех странах изоставити, да коиждо их ведает и хранит свою страну стены, 345об. биется, а из града не выходит. Також и пушки, || и пищали уставити по приступным местом. А сам царь Костянтин с патриархом Анастасием, и со царицею, и со святители, и со всем священным собором, и со множеством людей, жен и детей хождаху по церквам божиим, молебны и моленья деюще, плачюще и рыдающе, глаголюще сице: «Господи, господи, страшно естество, неисповедимая сила, согрешихом и беззаконновахом, озлобихом твое божество, забывающи твоя великая дарованья, яже наведе на ны и на град твой святый, грех ради наших. И не предай нас до конца врагом нашим, и не разори достояния твоего, ослаби нам время сие, но еже обратитися нам и покаятись твоему благоутробию; сам бо, владыко, рекл еси: не приидох праведных спасти, но грешных», л. 346 Також и пренепорочней || владычици госпожи Богородицы по вся дни моляхуся. Царь же Костянтин объезжая87 округ града почасту, укрепляя стратиг своих и всех людей. Турки ж на всех ме-стех бияхуся безпрестани день и нощь, пременяющеся, не дающе нимало опочити градцким людем. И тако обои бишася 13 дней, 13 нощи. В 14 день турки кликнуша свою окаянную мольбу, и начата в сурны играти, и в варганы, и накры, и прикативше пушки и пищали многие, и начата бити град и стреляти тмочислено. Гражане ж от бесчисленого стреляния не можаху стояти на стенах, но за-падше ждаху приступу, а инии против стреляхусь ис пушек и ис пищалей, елико можаху, и многи 346 об. турки убиша. Егда ж безбожный турки всех людей со стен збиша, и абие I! воскричавше все воинство, и нападоша на град вкупе со всех стран, кличющи и вопиющи, овии со огни различными, а инии с лествицами, а друзии со стенобитными хитростьми. Градцкие ж люди також вопияху и кричаху на них, биющесь с ними крепко. Благоверный же царь Костянтин объезжаше по всему граду, понужая своих людей, и повеле звонити по всему граду на созвание людем. Турки же, услышавше звон, пустиша сурны и трубный гласи. И бысть сеча велика и преужасна от пушеч-наго бою и пищалного стреляния, и от звонения колокол, и от гласов воплей и кричанья от обоих
<< 1 .. 131 132 133 134 135 136 < 137 > 138 139 140 141 142 143 .. 347 >>