.. " " ()

. " -64. 2- " ( )

.. " - " ( )

. "101 , " ()

.. "" ()

. 33 - ..

.. . 33 .: , 1977. 256 c.
( ): polnoesobraniesocheneniyrus1977.djvu
<< 1 .. 135 136 137 138 139 140 < 141 > 142 143 144 145 146 147 .. 347 >>

Месяца майя4 в 6 день паки веле безверный бити в то же место, иде же бяху первие, изо многих пушек и пищалей по три дни. И удариша || из большие пушки, и паде стены каменные много; л. 354 сб. и вдругие удариша, и распадеся стены велие место. И уже вечеру наставшу, турки начата изо многих пушек стреляти в то же место безпрестани через всю нощ, не дающе гражаном заделывать места того. Греки же тоя нощи уготовиша башню велию против того места. Наутрие же паки турки удариша из болшие пушки пониже того места, и вывалиша стены много. И абие вскричавше множество людей, воскочиша на то место, друг друга понуждаше. Тако ж и греки из града противу их, и сечахуся зле, и бе страшно видети обоих дерзость. Зустения ж, собрав много людей и воскрича, нападе на турки и прогони их со стены. Амурат же || киянчанин,94 крепок сый телом, смешав- л. 355 шеся з греки, доиде Зустения и начат сещи его люте. Гречин же некий, скочив со стены, отсече ему ногу секирою и тако избави Зустения от смерти. Флабурар же воевода западный турки, а Амар-бей со своими полки нападе на греки, и бысть сеча зла. Из града же Рахкавею стратигу со многими людьми приспевшу на помочь и прогна турки до самого Амарбея. Он же, видев Рахкавея люте секущи турков, 05~Амарбей же,-05 обнажив мечь, нападе на нь; сечахусь оба зле. Рахкавей же ступи на камень и ударив Амарбея мечем по плечю обема рукама, и разсече его надвое. Турки же тмочислены окруживше его, сечаху его люте, разсекоша его на части и греков прогнаша || во град. л. 355 об. И бысть греком плач и ужас велии ош Рахкавей, понеже ратник бе велий и царю любим. Наутро же згустившеся многим турком и греком же разбегшимся, и пустиша на них пушки, и много побита турков. А из града нападе на них Палеолог стратиг со многими людьми, избиваше их крепко. Восточный ж влабурар96 Мустуфар турски вскоре приде на греки со многими людьми, и прогна их во град, и уже хотяху стену отъяти, Феодор же тысящник совокупився со Зустением и удари-шася на турки, и бысть сеча велия, турки же одолеваху грек. Благоверный же царь Костянтин, собравшесь со избранными своими, изыде из града нощию и, богу помогающу, нападе на них Храбор бе || царь Костянтин и силен, велик бо бе зело и исполнен силою, и всед на фариж свой^ л. 356 и все вельможи с ним, и стратиги. И, минувше царя, вельможи и стратиги поскориша на помощ.
И стретоша народ мног, бегающе от турков. Зустения ж со многими стратиги бияхуся с турки уже во граде, овогда уже крепляхуся, овогда побегающе от турков, и едва сурово возвратиша их до стены. Многим убо турком вшедшим во град, конником и пешцем, и одолеваху греков, и аще не бы ускорил сам царь Костянтин к ним, конечная уже бе погибель граду. Достигшу ж царю и нападшу на турки, и сечаху их нещадно, достизаху и растинаху на двое. Турки же кричаху, не могуще стояти против крепости его, || и друг друга понукиваше на него, и стрелы бесчислеными л. 356 об. пущаху на него. Благоверный же царь Костянтин, един имея у себе мечь в руце, сечаше их. И бе" жаху от него турки из града к разрушенному месту, и ту затеснившимся, и поби турков много.
<< 1 .. 135 136 137 138 139 140 < 141 > 142 143 144 145 146 147 .. 347 >>